આમ થયો મને પ્રેમ

  Dedicated to my heartbeat....

એક અજનબી થઇ છે મારી,આવું ખરેખર થયું હશે કેમ?

હું આજે વિચારું છું  કે,કેમ થયો મને પ્રેમ?

તારી ઉત્સાહભરી  નઝર, અને અમીભર્યા નેણ ,

સ્નેહ ભરી આ આંખો, કદાચ આમ જ થયો મને પ્રેમ.

વલખા મારી રહ્યો હતો મૃગજળ માં, એ હતું પાણી કે હતો મારો વહેમ,

મરુભુમિ માં  અમૃત જળ બની  આવી તું, સાચે આમ જ થયો મને પ્રેમ

અસ્તિત્વ ની લડાઈ માં હતો એકલો, ના કોઈ ની દુઆ ના કોઈ ની રહેમ,

આત્મવિશ્વાસ ની આશા લઇ ને આવી તું, ખરેખર આમ જ થયો મને પ્રેમ,

મનોમંથનના વમળ માં અટવાયેલો હું , ભીષણ જ્વાળામુખી ની જેમ,

ચંદન ની શીતળતા આપી તે મને, એટલે આમ જ થયો મને પ્રેમ.

શોધતો હતો ચાંદ નું અજવાળું, મળ્યો સૂર્ય નો તેજ.

તું આવી જીવન માં ચાંદની, અને એટલે જ થયો મને પ્રેમ.

- સ્મિત અજાણી